09:00etan zen hitzordua. Aurreskuaren ostean hasi dira pedalei eragiten martxako parte-hartzaileak. Bakue aldera jo dute, Urrexolatik Jaturabera, handik Mikeletetxera eta Beiotza aldera; Kortakogainetik Urtiagain ingurura Desierto-tik, eta Lamiategirantz hartu han, hasitako leku berean, plazan, amaitzeko.
Eguraldiak ere tamainan eutsi dio azkenean, eta, bide eta bidezidor, goiz ederra pasa dute bizikletaren gainean. Ibilbidea eginda, komentario orokorra izan da plazan ze polita izan den aurtengoa.
Helduekin batera, baina, neska-mutikoek ere izan dute gaur Oñatin bizikletan irteera egiteko aukera. 10:30ean abiatu dira 100 bat, Murgia ingurutik-eta txangoa egitera. Primeran pasa dute txikiek ere.
