Patinatzeko plana egin dute hainbat oñatiarrek

Oñatiko Tatarraz patinatzaileen taldeak Patin Eguna antolatu du bigarrenez. Taldearen logoa duten kamiseta berdeak saltzeko mahaitxoa jarri dute Foruen plazan eta bazkide egiteko aukera ere badago. Goiena Telebistako 'Harmailatik' saioan egongo da astelehenean Tatarraz taldeko kide bat.

Patinak jantzita dituztela, 10:30ean abiatu dira hainbat oñatiar, heldu eta gazte, Foruen plazatik. Batzuk Madalenaraino joateko plana zuten; beste batzuk, Elorregiraino. Bitartean, txikienak patin gaineko jolasak egin dituzte Foruen plazan bertan, Egoitz Atxaga gidari zutela. Leire Altubek, berriz, berotze ariketak gidatu ditu, musika lagun, irteeran parte hartu aurretik.

Txorizoa ere egosi dute goizean zehar eguerdian pintxotan banatzeko. Askok Aloña Mendiren garagardo festaren karpa azpian bazkalduko dute. Aurretik, baina, Gasteizko talde batek patin gaineko dantza erakustaldia egingo du.

Erlazionatuak

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.