Ekainaren 13an egingo dute Fan Hemendik Eguna, baina dagoeneko iragarri dute aurtengo nobedadea –ohiko ekintzak ere egingo dituzte– izango dela Guardia Zibilaren kuartela inguratuz egingo duten giza katea. Egutegian egun hori gorde eta ekintzetan parte hartzera deitu dituzte Debagoien osoko herritarrak Oñatiko Fan Hemendik batzordeko kideek.
Fan Hemendik Eguna egiteko arrazoiek badirautela –laugarrena izango da– azaldu dute batzordekoek, eta Alberto Plazaola atxilotzeko aurreko astean Guardia Zibilak martxan jarritako dispositiboa jarri dute adibide.
Horrez gain, Guardia Zibilaren "kontrolak, mehatxuak, irainak, jazarpena... euskaldunon eguneroko ogia" direla salatu dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.