Hogei dendatik gora batu ziren Txanda Elkarteak antolatutako outlet-era Oñatin. Eguraldi onak lagunduta, gainera, jendetza batu zen eskaintzak ikustera. Dagoeneko kontsolidatuta dagoen zita da Txandaren Outlet-a eta argi gelditu da hori asteburuan: "Pentsa jendeak urtean zehar ere galdetu egiten digu ea noiz egingo dugun", zioen Txandako kide Dorleta Fernandezek. Izan ere, %20ko, %30eko, %50eko eta %70eko deskontuekin atera zituzten produktuak kalera komertzioek eta sekulako aukera izan zuten oñatiarrek, etxean faltan duten hori modu oso merketan eskuratzeko.
Denda berriak
Inoiz Outlet-ean pare hartu ez duten dendarik ere animatu zen; Lizarralde kirolak, esaterako. "Horrek erakusken du indartuta dagoela", zioen Fernandezek. Eta ez hori bakarrik, izan ere, erdiguneko kaleetan ez dauden komertzioak ere jaitsi ziren kalera. "Askotan kexatu izan dira dena erdigunean egiten dugulako eta auzoguneetako komertzioak ahaztu egiten direlako, eta gaur, horiek ere kalera etorri dira. Euren karpatxoarekin, produktuak Kale Barrira ekarri dituzte", gaineratu zuen.
