Eusko Jaurlaritzak sustatutako poziktibity kanpainak erakutsi zuen Reyes Padros kazetariak hilabete gutxitan lortutako maila. "Gogoa, denbora eta lana dira nire euskara mailaren atzean dauden sekretuak" dio kazetariak. Onartzen du kosta zaiola pausoa ematea, baina orain gustura dagoela dio.
Prados Getxon bizi da, eta oso ingurune euskalduna ez izan arren "euskarak kultura eta pertsona berriak ezagutzeko parada" eman dio. Horrez gain, hemengo kulturan sakontzeko ere balio izan diola azaldu du.
"Euskara hizkuntza zaila baino, desberdina dela esango nuke, aldi berean, baina, hizkuntza zoragarria dela uste dut", esan du sevillakoak. Hala ere, euskararen inguruan apurtu beharreko "aurreiritzi eta estereotipo asko" dagoela uste du.
Hori guztia atzean utzi eta euskararantz pausoa eman dutenen aurrean berak hartutako ibilbidea azaltzera gerturatu da Oñatira. Euskaltegiko ikasle eta berbalagunen aurrean bere historia kontatu du eta hauek galderak egiteko aukera izan dute. Hitzaldia musika kontzertu txiki batekin amaitu da.
De Boca en boca edo Euskadi directo bezalako telebista saioak aurkeztu eta gero, egun, jasotzen dituen lan eskaintza asko euskarazkoak direla dio.