Alberto Plazaola arratsaldean, 16:30ak aldera, aterako da Curtiseko (Galizia) Teixeiro espetxetik. Horrela jakinarazi digu haren senide batek, Plazaolak berari deitu ostean. Azken egun hauek Galizian pasa dituzte senideek. Tentsio momentuak bizi izan dituztela aitortu dute, baina pozik daudela orain.
Auzitegi Nazionaleko Zigor Aretoko Lehen Sekzioak martitzenean agindu zuen Frantzian egindako espetxealdia kontuan hartzeko eta delitu berarengatik Espainiako auzitegien aginduz bete beharreko kartzelaldiari kentzeko. Hala, zigorra berriz kalkulatzeko eskatu zion presoaren espetxe zuzendaritzari. Irizpide berria kontuan hartuta, 2013ko abuztutik kalean egon behar lukeela adierazi zuen.
Atzo, eguaztena, Auzitegi Nazionaleko fiskalak helegitea aurkeztu zuen, auzia Auzitegi Gorenera eramanez. Gaur, baina, aske geratu da Plazaola.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
