"Gaur behintzat ez da irtengo, bihar arte itxaron beharko dugu zer gertatuko den jakiteko", adierazi du Gerardo Plazaolak, preso oñatiarraren anaiak. Gaineratu du orain "zailtasunak" azaldu direla prozesuan, izan ere, orain arte ez dela horrelako kasu batean errekurtsorik jarri Auzitegi Gorenean. Beraz, ez dute aurrekaririk zer gertatuko den jakiteko.
Frantziako espetxeetan igarotako urteak kontuan hartu behar direla, eta ondorioz, urte horiek murriztu egin behar zitzaizkiola ondorioztatu zuen Zigor-arloko Lehen Sekzioak. Auzitegi Nazionaleko fiskalak jakinarazi du, ordea, Ministerio Publikoak Auzitegi Gorenean kasaziozko errekurtsoa jarriko duela. Fiskalaren arabera, Europar Batasunean hartutako erabaki hori “ez da zuzentarau bat” eta, ondorioz, “ez dauka izaera loteslerik”.
