Primeran atera zen zapatuan Oñatin sortu berria den Tatarraz elkarteak antolatutako patin jaia. Ume, gazte eta heldu, 100 lagun inguru batu, eta ibilaldiaren ostean erakustaldiak egin zituzten plazako frontoian. Erantzuna ikusita, elkarteak ekimen gehiago egingo ditu aurrerantzean.
Bidegorritik ibilaldia egin zuten aurrena, batzuek Elorregiraino, eta erakustaldiak egin zituzten ondoren, plazako frontoian. Oñatiko elkarte sortu berriak Donosti Roller taldeko kideak gonbidatu zituen euren jaira, eta Beñat Arzamendi eta Alain Irazu ere etorri ziren kanpotik. Horiena izan zen erakustaldietako bat; Irazuk hanka bakarra du gainera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.