Errefuxiatu eta Iheslari Politikoen Egunean El Filtroko gertaera gogoan izango dute Oñatin

Jagoba Domingo 2014ko eka. 11a, 16:47
Uda honetan 20 urte beteko dira Uruguayko El Filtro ospitalean zeuden hiru euskal errefuxiatu estraditatu zituztela eta horrek eragin zuen gertaera jaso zela. Urteurrenaren testuinguruan, Askapenako eta Oñatiko hainbat herritar eta eragilek elkarlanean, ekainaren 21erako, Errefuxiatu eta Iheslari Politikoen Nazioarteko Eguna hain zuzen, ekitaldi politikoa eta egun guztiko egitaraua antolatu dute.

Ekitaldi politikoa izango da Askapenak eta Oñatiko herritar eta eragileek antolaturiko ospakizunen muina. Ekainaren 21ean  13:30ean atzeko kaleko plazan egingo dute, 1994an Montevideoko El Filtro ospitaleko gertakaria gogora ekarri eta Errefuxiatu eta Iheslari Politikoen Eguna ospatzeko. Egunaren bueltan, ekitaldi politikoaz gain, herri bazkaria eta kontzertuak antolatu dituzte besteak beste. Herri bazkarirako txartelak gaur bertan jarri dituzte salgai.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak