Ekainaren 7an egingo duten Pilotakadaz pilotakada izeneko ekimenaren berri emateko agerraldia egin dute gaur Oñatiko Etxeratekoek, eta bertan salatu dute 25 urte pasatu direla euskal presoen sakabanaketa era orokor, sistematiko eta kolektibo baten indarrean jarri zenetik eta euskal presoak euren familietatik ehunka kilometrotara aldendu zituztenetik. Horrek eskubide urraketa bikoitza eragin duela gaineratu dute, bai euskal presoei eta baita euren senide eta bisitatzen dituzten lagunei ere.
Esan dute, era berean, Espainiako zein Frantziako gobernuek ez dutela egungo espetxe politika indargabetzeko asmorik erakutsi, eta horregatik, beharrezkoa dela sakabanaketa politikaren aurka herri indarra sortzea.
Printzipioz, Foruen plaza ondo frontoian
Hori lortu guran, oñatiar guztiei ekainaren 7an egingo den ekimenera joateko deia egin diete. Egun horretan, hainbat oñatiarrek hiru pilota partidu jokatu dituzte eta horretaz gain bertsolariak, trikitilariak eta txiste kontalariak ere egongo dira, denak ere herrikoak bertakoak. Eguraldi ona eginez gero, Foruen plaza ondoko frontoian izango dira pilota partiduak eta eguraldi txarra eginez gero, kiroldegian.
