Liberen kontzertua, Oñatin [EGUBAKOITZA, 22:00]

Atzo, Tolosako Bonberenean, aurkeztu zuen Libek bere lehen diskoa, eta Euskal Herriko lehen zuzenekoa izango da gaur Oñatiko Antixena gaztetxean emango duena; 22:00etan hasiko da eta doan izango da. Jam, 3, 60... gure bailaran aretoak bete dituzten bi talderekin ezagutu genuen: Vicepresidentes eta Neubat taldeetan. Ahots indartsua du gasteiztarrak.

Neubat talde gasteiztarrean hasi zuen bere ibilbidea Libe Garcia de Cortazarrek. Sorkun eta Ekon-en partaide izan da eta Izaki Gardenak taldearekin bi disko argitaratu ditu. Hala ere, bere kantu propioak lantzeko denbora ere aurkitu du eta horretan ibili da isilpean azken urteotan. Abesti horietako batzuetan Joseba Poncek lagundu dio, ideiei forma ematerako orduan eta konposizioak biribiltzerako orduan. Kanta horiek talde modura landu eta garatu zituen gero, eskarmentu handiko gasteiztar musikariz lagunduta: Atxus (Neubat, Sorkun, Vicepresidentes), baxuan; Txus Villalabeitia (Same Old, Eh!), gitarran; eta Eneko De Arza (Naut, Trumbo), baterian.

Lokalean lauren artean ondo prestatu ondoren erabaki zuten, Karlos Osinagaren gidaritzapean, Bonbereneako estudioan sartzea, hamaika kanta biltzen dituen Ihesaldi handia diskoa grabatzera. Talde berri baten lehen lana bada ere, disko landu eta heldu baten aurrean gaude. Rock malenkoniatsu eta iluna, oinarri erritmiko sendoez lagundutako teklatu eta ahotsak direlarik nagusi. Doinu sendo eta indartsu bezain hauskorrak.

Erlazionatuak

Bertsotan, Gipuzkoako txapelaren bila, Arrasaten [DOMEKA, 11:00etan hasita]

Arrasate

Gipuzkoako Eskolarteko finala eta Gipuzkoako Bertso Eskolen Eguna egingo dute, etzi, domeka, Arrasaten.
Debagoieneko Trikitixa Eguna, Arrasaten [ZAPATUA]

Debagoiena

Bailarako, Aramaioko eta Soraluzeko trikitilari eta pandero-joleek euren festa izango dute bihar, zapatua: 10. Debagoieneko Trikitixa Eguna.
Ruper Ordorikaren kontzertua Amaia Udal Antzokian [EGUBAKOITZA, 22:00]

Arrasate

Ruper Ordorikak, gaur, Kooltur Ostegunen aurtengo edizioari amaiera emateko kontzertua Amaia Antzokian izango da azkenean, antolatzaileek esan dute...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.