Emakume aitzindarien jardunbideari egindako omenaldia


Martxoaren 8aren harira, Oñatiko EAJtak 1936. urtea baino lehen jaiotako emakumeak omendu zituen egubakoitzean. Oñatiko emakume abertzaleen batzari egindako ekitaldian 30 emakume omendu zituzten, eta herriko alderdi jeltzaleko kideez gain, Izaskun Landaida Emakundeko zuzendaria ere etorri zen.

Berdinatasunaren bideak egun babes handia duen arren, XX. mende hasieran eman zituen lehen pausoak. Emakumearen lana etxe barrura mugatzen zen garai hartan Emakume Abertzaleen batzak bere ibilbide luzearen lehen hasierako urratsak ematen hasi zen, tartean, Oñatiko emakume talde bat.

Primo de Riveraren diktadura garaitik ona berdintasuna eta emakumearen normalizazioaren alde lan egin duen talde honetako 30 kide omendu zituzten batzokian egubakoitz iluntzean. Herriko EAJko hainbat kiderekin batera, Izaskun Landaida Emakundeko zuzendaria ere izan zen. Landaidak azaldu moduan, "zoritxarrez emakumeen lana ez dago nahiko aitortuta", aldi berean euskal emakume abertzaleen lana ere aipatu zuen, "zuen lanak gure gizartea, kultura, politika... eraldatu ditu, hori guztia gainera, isilik egin duzuen lan bat izan da, saririk espero gabe".

Omenduak egungo emakumeen erreferente moduan aurkeztu eta gero, arrosa zuri bana eta pergamino bat jaso zuten. Ekitaldia mokadutxo batekin borobildu zuten.

Erlazionatuak

'Martxoak 8 egunero izan dadila' aldarrikapena Aretxabaletan

Aretxabaleta

'Martxoak 8 egunero izan dadila' aldarrikatu zuten Aretxabaletan, zapatuan, hainbat ekitaldi eginda: Emakumeen frontenis txapelketaren finala; ager...
Emakumeen borroka aldarrikatu zuten plazan

Aretxabaleta

Emakumeen Nazioarteko eguna aldarrikatzeko agerraldia egin zuten hainbat aretxabaletarrek herriko plazan, zapatu eguerdian.
'Eman sua patriarkatuari' lelopean egin zuten manifestazioa Arrasaten

Arrasate

Martxoak 8aren bueltan, Seber Altube plazatik irten zen manifestazioa atzo arratsaldean, Eman sua patriarkatuari, gazteok feminismotik eragiten lel...
Zortxitxiketan ibili ziren 50 bat lagun Oñatin

Oñati

Egubakoitz arratsaldean, 50 pertsona inguru elkartu ziren Oñatiko Foruen plazan Zortxintxika herri lasterketan parte hartzeko.
Leintz Gatzagako sorginak ere berdintasunaren alde daude

Leintz Gatzaga

Martxoaren 8aren bueltan Sorginak Emakumeak Elkarteak bazkaria antolatu du Soran etxean. Bazkalosteko giroa alaitzeko Vanesa Gonzalez ipuin kontala...
Aretxabaletako kabina berditasunaren alde

Aretxabaleta

Aretxabaletako kaleak morez jantzi dira gaur. Aretxabaletako kabina ezagunena morez jantzita agertzeaz gainera, alboko zebrabide bat ere zuri-morez...
Emakumeen izana eta eskubideak aldarrikatu ziren zapatuan

Debagoiena

Gaur, zapatua, da Emakumeen Nazioarteko Eguna; urtetako borrokak gogoratu, ospatu eta emakumeen egoeraren inguruko hausnarketak egitekoa. Berdintas...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.