'Martxoak 8 egunero izan dadila' aldarrikatu zuten Aretxabaletan, zapatuan, hainbat ekitaldi eginda: Emakumeen frontenis txapelketaren finala; agerraldia Herriko Plazan; merkatarien girotzea…
Goiz partea Aretxarte merkatarien elkarteko kideek girotu zuten puxika moreak jarrita eta produktuak saltokien aurrera aterata. Emakumeen frontenis txapelketako finala ere orduantxe jokatu zen. Eguerdian Herriko Plazan elkartu ziren martxoaren 8ko leloarekin bat egin zutenek, eta mokadutxoa jan zuten gero elkarrekin.
Arratsaldea Fun Dantz! jaialdiko hip hop eta rap doinuek eta kale-dantzek girotu zuten; eta eguna agurtzeko, Esther Uriaren bakarrizketa izan zen.
