EGUBAKOITZA: Carles Belda eta Joseba Tapia zuzenean, Oñatiko gaztelekuan

Carles Belda soinu txikiaz. (Eixample Comunicacio)
Kontzertua eskainiko dute Oñatiko gaztelekuan gaur, egubakoitza, Carles Belda eta Joseba Tapia musikariek. Hain zuzen ere, Gure Esku Dago ekimenaren barruan dago emanaldia eta 22:30ean hasiko da.

Aldaketak izan ditu gaurko kontzertuak. Izan ere, hasieran, Belda katalanarekin batera Gose taldeak egin behar zuen emanaldia. Baina arrasatearrek antolatzaileei jakinarazi diete ezin izango direla Oñatira joan; horren ondorioz, Gure Esku Dagok antolatuta gaztelekuan izango den kontzertuan Joseba Tapia igoko da oholtzara.

Tximela kapitainaren izarrak izeneko diskoa aurkeztuko du Joseba Tapiak, gitarra eskuetan duela, Oñatin. Bere azken lanean, Luis Rezola Tximela kapitainak 1937an El Duesoko kartzelan idatzitako bertso eta poemak jasotzen ditu.

Aurretik, hori bai, Carles Belda katalanak bere melodiak eskainiko dizkie bertaratzen direnei. Soinua lagun duela, errezitaldi dantzagarria izango da azken urteetan Zugarramurdin bizi den musikariak eskainiko duena. "Euskal Herriaren eta Herrialde Katalanen arteko loturak agertuko dira bertan", eman du aditzera. "Sinple eta zuzen: ahotsa, soinu txikia eta kantuak".

Erlazionatuak

Aste bukaeran zer?

Debagoienean bertan, askotariko kultura hitzorduez gozatzeko aukera izango da aste bukaera honetan ere. Hona hemen, horietako batzuk.
ZAPATUA: Gospel ikuskizun "borobila" eman nahi dute Bergaran

Bergara

Bergarako Orfeoiak egingo du kontzertua. Bere publikoari estilo eta ikuskizun berriak emateko grina dauka Bergarako Orfeoiak, eta hortik datorkio g...
ZAPATUA: Governors gizartea esnatu guran izango da Arrasateko gaztetxean

Arrasate

'Morphinapolis' diskoa aurkeztuko diete herrikide, lagun eta jarraitzaileei, 22:30ean.
ZAPATU ETA DOMEKA: Txabi Franquesaren monologoak Elgetan

Elgeta

Txabi Franquesak ez du asteburuko emanaldien gaineko xehetasun handirik eman, baina Espaloira joaten direnak ez direla damutuko eman du aditzera. E...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.