Finantza etikoari buruzko hitzaldia izan dute Oñatiko Elkar Hezi ikastetxeko batxilergoko ikasleek

Hitzaldia Edurne Pujana Setem Hego Haizea Gobernuz Kanpoko Erakundeko teknikariak eman du. Pujanak ikasleei azaldu die hainbat banku eta aurrezki kutxa tradizionalek negozio militarretara eta armen mundura bideratzen dutela bezeroen dirua. Euren Gobernuz Kanpoko Erakundea, baina, finantza etikoaren barruan sartzen den kanpaina bat ari da sustatzen eta bertatik erakusten ari dira badaudela alternatibak bezeroen diru hori banka etikoaren barruan sartu eta helburu etikoak dituzten proiektuak bultzatzeko. Fiare izeneko proiektua jarri du adibide moduan.