Atsotitzen txapelketak lehia bizia piztu du San Migel Txikietan

Umore ona eta memoria hobea dutela frogatu dute gaur San Migel Txiki jaietan oñatiarrek. Esaera zaharren lehiaketa antolatu dute lehen aldiz herrian eta lau laguneko zortzi taldek hartu dute parte. Lupe izeneko neska laukotea irten da txapeldun final borrokatuaren ostean. Konpetentzia ez da makala izan. Goizean zehar, bi multzotan banatuta tabernaz taberna ibili dira taldeak bertsolariak abestutako bertsoak buruz ikasitako 100 esaldiz osatutako atsotitzen zerrendarekin lotzen. Giroa paregabea izan da eta luntxarekin amaitu dute 15:00etan. Antolatzaileak ere pozarren daude izandako erantzunarengatik eta parte-hartzaileek erakutsitako maila eta umore onarekin.