30. San Milixan azoka ospatu zuten Leintz Gatzagan, igandean. Askotariko postuek bete zituzten plaza eta frontoia: poltsak, arropak, bitxiak, ilustrazioak eta abar saltzen dituzten artisauak nagusitzen ziren frontoian. Halako guneak erakusleihoak direla azaldu zuen artisauetako batek: "Gure lanak erakutsi ahal izateko espazioa bat edukitzea ondo dago".
Bestelako hainbat postu ere jarri zituzten, esaterako, Sorginak Emakume Elkarteko talogileena eta Gurel Gatzagako guraso elkartearena; kalabaza baten pisua asmatu beharra zegoen han. Gatz museoan ekoiztutako gatza eskuratzeko aukera ere izan zuten bisitariek.
Artisau azokako postuez gain, Leintz Gatzaga ezagutzea helburu duten bisita gidatuak egin zituzten, doan.
