"Museo ingurua txukundu dugu; bide bazterrak garbitu, sastrakak kendu, zuhaixkak eta zuhaitz batzuk bota ditugu teilatura erortzeko arriskua zegoelako. Horrekin batera, museoko teilatua ere garbitu dugu. Hostos eta makiltxoz beteta zegoen, orain oso ondo geratu da", adierazi du Juanito Bengoak, Gatzagako mendi zinegotziak.
Eskailerak jarrita
Bidea beti egon da Gatz Museotik Dorleta Santutegi aldera, baina, tramu hori egokitzea egin beharreko lana izan dela azaldu du Bengoak: "Bidea ez zegoen erabilgarri, eta bertatik pasatzeko egur batzuk jarri ditugu, eskailera bat izango balitz moduan. Hala, errepidea ekidin ahal izango dute nahi dutenek, eta, beraz arriku bat gutxiago. Horrekin batera, PR eta GR bideekin konekxioa egiten du bide zati honek, eta beraz, asko erabiliko delakoan gaude", dio Bengoak.