Familiakoak, udal ordezkariak eta herriko lagunak batu dira gaur, Leintz Gatzagako ludotekan, Martzelina Plazaola gatzagarraren urtebetetzea ospatzeko. 100 urte bete ditu, eta, bere eguna ospatzeko ekitaldia antolatu dute. Lagun artean, arratsalde ederra pasa dute batu direnek, baita urteak bete dituen Plazaolak ere. "Egun bikaina izan da gaurkoa, bideo aparta jarri didate, ahazten ez diren oroitzapenekin…, eta, guztiok batzea beti da ederra", adierazi du.
Ludoteka kanpoan aurreskua egin dio Idoia Armendarizek, Leintz Gatzagako zinegotziak Plazaolari, eta musika jartzeaz herriko txistulariak arduratu dira. Gero, barruan jarraitu du ospakizunak. Barrura sartzerakoan musukoak banatu dituzte.
Martzelina Plazaola iritsi denean.
Dorleta Elkorobarrutiak Leintz Gatzagako alkateak lore-sorta eskaini dio udalaren izenean; Toki Eder jubilatu elkartekoek oparia egin diote, eta batu diren guztien artean Zorionak abesteko tartea ere hartu dute. Horrekin batera, argazki zaharrekin osatutako bideoa ere ikusi dute Martzelina gaztea zenetik gaur egunera arteko irudiekin.
Martzelina Plazaolaren urtebetetzea ospatzen, Gatzagako ludotekan aterako talde argazkia.
Opariak irekitzen bilobek, birbilobak, eta batu diren gaztetxoek lagundu diote Plazaolari, eta, talde argazkia atera ostean, ekitaldia amaitzeko, luntxa egin dute.
Batu diren haurrek lagundu diote Plazaolari opariak irekitzen.
