Leintz Gatzagako produktu izarrari, gatzari, garrantzia emateko asmoz, Gatz Eguna antolatu zuten beste urte batez Debagoieneko Mankomunitateak, Gatzagako Udalak eta Debagaraia Landa Garapenerako Elkarteak. 10:00etan eman zioten hasiera egunari, hala nola produktu ekologikoen azokarekin eta bi mendi ibilaldirekin. Sukaldaritza eta gatz xaboiak egiten ikasteko tailerrak ere egin zituzten Gatz Museoan, eta baita bisita gidatuak ere. Jakoba Errekondo, berriz, landareen inguruko kontsultak argitzen izan zen.
Horrez gain, jolaserako aukera ere egon zen, egurrezko jokoak izan baitziren plazan Kalaka proiektuaren eskutik, baso kulturari keinu egiteko asmoz. Horrez gain, hanburgesak egiten aritu ziren. Gatzagako Guraso Elkarteko kideak Herriko Plazan, eta Toki-Eder jubilatuen elkartekoek, berriz, pintxoak eta edariak eskaini zituzten museoan.
