Loreontzi bakoitza pertsonaia bat izanda, izenak ere jarri dizkiete margotuta dauden arabera. Esaterako, loreontzi bati Deba izena jarri diote, eta bere alboan honako esaldi hau idatzi dute teila batean: Hiruerreketan jaio, herrian salto, jolastu, bizi, bailaran hazi eta Kantaurin nahasi.
Loreontziei identitatea eman
Herria apaintzeko sortutako egitasmoa gatzagarren artean gustuko ekimena izateaz batera, Aste Santuko oporraldian izan dituzten turistak argazkiak ateratzen aritu direla nabarmendu dute loreontziak jartzen aritu direnek. Hori horrela, loreontzien egitasmoa indartzea eta osatzea erabaki dute. Horretarako laguntza ere izan dutela adierazi du Dorleta Elkorobarrutia gatzagarrak: "Arrasateko Buart loradendakoa herritik pasa zen behin, eta, loreontziak gustatu zitzaizkionez, loreak ekarri dizkigu; guk, trukean, loreontzi pertsonalizatua egin diogu".
Herriko kontuak aukeratzen
Hamaika loreontzietatik gutxi batzuek dituzte, gaur-gaurkoz, herriko histori zati, istorio edo pasarte bat idatzita, baina loreontzi guztietan jarriko dituzte. Horretarako, buruari bueltak eman, informazioa batu eta horiek irakurtzeko tentagarriak diren esaldiak idatziko dituztela adierazi dute ekimena egiten ari direnek.