Gatzagako Udalaren, herriko abeltzainen, eta Gipuzkoako Foru Aldundiaren artean kudeaketa iraunkorra eta jasangarria burutzeko helburua du taldeak eta Aitziber Gorosabel Usokoitz abeltzain elkarteko kideak eman du egiten dutenaren berri: "Larren kudeaketa zuzena egiten dugu. Elkartea 2014ean sortu zen, baina, lantaldeak lehenago hasi ziren bilerak egiten egin beharrekoak gauzatu ahal izateko".
Beharretara egokitutako lanak
Larreen kudeaketa Foru Aldundiak egin arren, abeltzainen beharretara egokitutakoak izaten direla adierazi du Gorosabelek: "Soinketa lanak, ongarriketa, hesiak jauzi egiten dira, ur askak ere ondo mantendu behar dira… eta, lan guzti horiek, abeltzain elkartetik errazago egiten saiatzen gara; gure, Udalaren, zein Aldundiaren beharren arabera".
Larreez gain, basoetan ere beharrak dituzte, eta baserritarren laguntza ezinbestekoa dela nabarmenduta, Landaola sarietan hautagai gisa egotearen errekonozimendua Usakoitz abeltzain elkarteko kideentzat, zein baserritar guztientzat dela azpimarratu du Gorosabelek.