KAS taldeko txirrindulari ohiekin mahai-ingurua izango da gaur

Toki-Eder Erretiratu Elkartekoek 11:00etan Dorletako Santutegian batzeko dei egin diete Debagoieneko erretiratuei, bertan txirrindularitzaren gaineko erakusketa ikusteko. Gero, 12:00etan, salda beroa hartuko dute Toki-Eder elkartean, eta 12:15ean, mahaiingurua izango da, kultura etxean.

Solasaldia Alberto Altubek gidatuko du eta hauek hartuko dute parte: Santi Ayastuyk –KASeko txirrindulari ohi antzuolarra–, Jose Luis Saez de Olazagoitiak –Erromara bizikletaz joandakoa–, Ignacio Arranzek –Arabako Txirrindularien Federazioko lehendakari ohia–, Fausto Izak –KASeko txirrindulari ohi arratiarra–, Felipe Alberdik –KASeko txirrindulari ohi zornotzarra– eta Manolo Zubillagak –Leintz Bailarako txirrindulari lasterketen antolatzaile eta lekukoa–.

"Garai hartako kontuak izango dituzte hizpide. Esaterako, Saez de Olazagoitiak Juan 23.a aita santua bisitatu zueneko istorioa kontatuko du, adierazi du Eugenio Otxoak".

Eskuin aldean, hiru mojen alboan dagoena da Saez de Olazagoitia.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.