goiena.eus

Hasi dituzte Gure Ametsa jatetxe pareko bidegurutzeko lanak

  Gizartea  Leintz Gatzaga GAURKOAK

GI-627 eta GI-3310 errepideen arteko bidegurutzeko segurtasuna hobetze aldera hasi dituzte lanak Leintz Gatzagan, Gure Ametsa jatetxea, –Marisa– eta Gaztainuzketa mendi-etxeen arteko bidegurutzean.

Gipuzkoako Foru Aldundiaren arabera; Obraren helburua, T formako bidegurutzea eratzea da. Modu horretan, ibilbideen artean angelu handiagoa izango da, eta, erdigunean itxaroteko erreiak jarrita, ibilgailuek biraketak segurtasun handiagoz egingo dituzte.

Obrak amaitu bitartean, "pazientzia" eskatu du Eneka Zankada Leintz Gatzagako alkateak, bide zati horretan izan daitezken auto pilaketen ondorioz.

Errepide zatia zabalduz

Egingo diren lanen artean, GI-627 errepidearen plataforma zabalduko da 3,5 metroko itxarote erreia ateratzeko. Baita ere, errepide horretako abiadura 60 km/h-ra mugatuko da bidegurutzetik igarotzean eta eguzki plakez hornitutako led motako luminariekin argiztatuko da zonaldea.

Urtea amaitu aurretik, amaituta

Irailaren amaieran hasi zituzten lanak, eta urtea bukatu aurretik amaituko dituztela adierazi du Leintz Gatzagako alkateak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa