Gatza protagonista, azoka ekologikoan

Herriko produktu nagusia ardatz hartuta, Gatzagara bertaratutakoek askotariko ekintzekin gozatzeko aukera izan zuten.

Ekintza nagusia frontoiko azoka ekologikoa izan zen. Bertan, gatza izan zen protagonista. Poza de la Sal eta Añana herriek postuak jarri zituzten, eta hango gatza eta eratorritako produktuak eskaini. Horrez gain, baserriko hainbat produktu ere izan ziren beste postu batzuetan.

Ekintza eta tailer ezberdinak

Azokarekin batera, gaztaina bilketa oinarri zuen ibilaldiak, gatz museoko bisita gidatuak eta haur zein nagusiei zuzenduriko tailerrek atzo goizeko egitaraua osatu zuten. Gatz Museoan gatz-xaboia egiteko tailerra egon zen. Frontoi kanpoaldean, berriz, gatzarekin marrazkiak eta eskulturak egiteko tailerra.

Antolatzaileak pozik

Leintz Gatzagara bertaratutakoek goiz atsegina pasatzeko aukera izan zuten; hainbat produktu dastatzeaz gain, askotariko ekintzetan parte hartu zuten.  Antolatzaileak pozik azaldu dira jendeak izan duen erantzunarekin. Euren asmoa zen herrian egiten dena erakustea, Gatzagaren izenaz gain, bertako produktu nagusiaren nortasuna ere landuta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.