"Oraindik ez dugu erantzunik jaso eta guk gure aldarrikapenekin jarraituko dugu. Astelehenean, ekainak 20, Eusko Jaurlaritzara joango gara, Cristina Uriarte Hezkuntza sailburuari gure berri emateko", adierazi du Gorosabelek.
Guraso elkartetik behin eta berriz azpimarratu dute gelarik gabe gelditzeak izango lukeen galera, handia izango litzatekeela. Jon eta Aratz gelan bertan hazitako bi gazte dira eta hauek ere iritzi bera dute. "Gela barik geratu ezkero, hutsune bat geldituko litzaioke herriari. Herrian ikasita, herriarekiko lotura hartzen dute haurrek eta bertara itzultzeko joera handiagoa da gero", azaldu dute.
Herrian hazteak eta ikasteak, herrian bertan errotzea dakarrela nabarmendu dute eta Gatzaga moduko herri txiki batean hori mantentzea garrantzitsua dela.
Egubakoitzean arratsaldeko 4retan Luis Ezeiza eskolako zuzendaritzak bilera deitu du, gurasoei egoeraren berri emateko.
