Euriak kalteak eragin ditu Leintz Gatzagako erdigunean aparkalekua egokitzeko lanak egiten ari diren esparruan: joan den asteko euriekin arrakalak azaldu ziren, eta asteburuko eurien ondoren malda behera etorri da. Orain, hesiz inguratuta dago lur-jausia, arriskuak saiheste aldera, eta ikuskizun dago zein konponbide egon daitekeen eta zein den benetako egoera.
Eneka Zankada alkateak jakinarazi duenez, Gipuzkoako Urak enpresakoak bertan izan dira eta esan dute ur-harguneek ez dutela zerikusirik malda behera etortzearekin; aldiz, zerikusia izan lezakeela bertan agertu den iturburu batek, mendiko urak bertatik pasatzen direlako. Dena den, jausitako lur guztia erretiratu eta egoera sakon aztertu arte, ezin daiteke jakin zein den egoera erreala, alkatearen esanetan.
Uztailean bukatu zituen Zubieder enpresak aparkalekuaren lehen faseko obrak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
