San Milixan feriak eskulagintza ugari batu ditu Leintz Gatzagan

23. eskulangintza azoka egin dute goizean Leintz Gatzagan urteroko arrakastarekin. Frontoia artisauen erakustoki bilakatu da, eta bertaratutakoek postu ezberdinetatik kuxkuxean aritzeko aprobetxatu dute. Ez dira falta izan Sorginek prestatutako taloak eta arrakasta izan dute beste behin. Aurten, gainera, txikienek taloak nola egin ikasteko tailerra ere egon da: Sorginek, ez dute harrobia prestatzeko aukera galdu nahi izan.

Oihalak, bitxiak, jostailuak, jantziak, arropa ekologikoa, larruzko osagarriak, larruzko pilotak, ukenduak... eta halaxe hamasei postura arte. Hamasi artisau, hamasei eskulangitza ezberdin ikusteko aukera egon da goizean pilotalekuan egokotu dute azokan.

Eta ohikoez gain gauza bitxiak ere bai, artilez egindako xaboia eta gurbilen pneumatikoz egindako lorontziak, esaterako. 

Sorginak taldeko kideek egindako taloek ere arrakasta izan dute ohi bezala, eta ikusmina sortu du, era berean, Leintza Gatzagako bertako Sualai errentaritza artistikoak. Hain zuzen ere, erakustaldia egin dute ikatzezko sutegiarekin plazan bertan eta ikusle ugari erakarri ditu.

Azken urteetan bezala, Dorletako Txirrindularien Lagunen elkarteak ere postua jarri du plazan.

Erlazionatuak

Azokako argazkiak

Leintz Gatzaga

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.