Xamanismoaren sekretuak ezagutu dituzte Soran Etxean

Asteburu honetan gonbidatu berezi bat izan dute Gatzagako Soran Etxean: Victoria Mendoza xaman mexikarrak xamanismoari buruzko ikastaroa eman du. Lau maila daude eta asteburuan, lehenengoa egin dute, bakoitzak bere burua sendatzen ikasteko.

Euskal Herriko txoko desberdinetatik eta Bartzelonatik gerturatu dira 15 lagun. Talde dinamikan eta ezagutza kulturalean oinarritutako ikastaroa da; izan ere, lehendabizi bakoitzak bere barrurako egin behar du lana eta hori ezinbestekoa dela azaldu du Mendoza xamanak.

Gai sakonak jorratzen

Orotariko gaiak landu dituzte: energien eta horiekin egindako sendapenaren garrantzia, animalia babesleak, ametsen interpretazioak, edota heriotza, besteak beste.

Horretaz gainera, gaur goizean Leintz Gatzagako Udalaren eskutik Gatz Museora bisita egin dute eta bide batez, ur gaziaren onurak eta horren erabilera terapietan landu dute.

Gainontzeko mailak, aurrerago egingo dituzte, Soran Etxean ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.