Gorosarri dantza taldearen 60 urteko ibilbidea, argazkitan

Kultura etxean dago ikusgai argazkiekin eta dantza taldeak urteetan zehar erabilitako materialarekin osatutako bilduma. Udalak eta dantza taldeak elkarlanean prestatutako erakusketa da eta taldearen 60. urteurrena dela-eta prestatu dute. Zapatuan egingo dute urteurreneko ospakizun-festa nagusia. Ekitaldi nagusia 13:00etan izango da, Herriko Plazan. Erakusketa zabalik egongo da hilaren 14an, 15ean eta 16an, 18:00etatik 20:00etara.