Urdelardero, urdeixa jan da bazkaixa gero… dio kantuaren hasierak, baina, goiza kantuan eta jan eta jan aritu ostean, bazkaritan ez dute askorik jango herriko kaleetan zehar kantuan aritu direnek. Haur Hezkuntzako hirugarren mailakoak Dorleta auzo inguruan aritu ziren; Haur Hezkuntzako laugarren eta bosgarren mailako ikasleak, Jose Aranan hasita, Olaeta inguruan; Lehen Hezkuntzakoak, Manuel Muñoz kiroldegian eta Intxaurtxueta auzoan; eta Lehen Hezkuntzako bigaren mailakoak, Bibliotekatik abiatuta, San Pedro auzoan izan ziren eta O'Dogherty garagardotegirainoko bidea egin zuten, Eroskitik pasata. Ondoren, 11:30ean denak elkartu ziren Fernando Eskoriatza plazan.
Huhezira eta adinekoen egoitzara abestera
Kantuan ondo baino hobeto egin dute kaleetan zehar aritu diren neska-mutikoek. Une hunkigarria ere bizi izan da Jose Arana egoitzan kantuan egin dutenean, eta Huhezin, Humanitate eta Zientzien fakultatera joan direnean, berriz, irribarre ugari ikusi ahal izan dira bertako ikasleen artean.
11:30ean denak elkartu dira, Fernando Eskoriatza plazan, bertan, txistorra eta hallala jateko. Bada, hasi dituzte Aratusteak Eskoriatzan.
