Ruben Martinezek, EskoXtrem-eko antolakuntza taldeko kideak adierazi du balorazio orokorra egingo duten arren, gustura geratu direla probak emandakoarekin. "Kirolprobak webgunetik 126 lagunek eman zuten izena eta egunean bertan 51 lagunek eman dute izena. Hiru ibilbide egin ditugu aurten, eta, aurrez egindako ahaleginak merezi duela uste dut. Bizikleta elektrikoarekin ere asko etorri dira, eta, gazteak zein helduak izan ditugu bertan. Anoa postuetan giro ona izan da, eta, helmugan, berriz, pizza jateko aukera eman dugu".
