Nahia Pascual: "San Pedro elizako beiratearen zaharberritzea izan da guztiz nirea den lehen lana"

Gasteizko Vitrales Mikel Delika enpresak artelanak zaharberritzeko duen tailerrean ari da eskoriatzarra duela urtebetetik. Askotariko lanetan parte hartu du orain arte, baina Eskoriatzako, bere herriko, parrokiaren beiratea zaharberritzeko prozesua bakar-bakarrik egin du, hasieratik bukaerara arte. Joan zen astean ipini zuten bere lekuan, eta gertutik jarraitu zuen urrats hori ere. Lanlekuan hartu gaitu, zer eta nola egiten duten erakusteko.