Bereziki jendetsua izan da 25. Eskoriatzako Ferixie

Arizmendi ikastolak antolatutako 25. Ferixie ospatu zen zapatuan Eskoriatzan, eta urtero moduan, askotariko produktuak batu zituen azokak. Guztira, 86 postu egon ziren, bertako ekoizle eta artisauek jarritakoak eta kanpotik etorri zirenek ezarritakoak. Eguraldia lagun, jende asko ibili zen Eskoriatzan eta heldu, gazte edota etxeko txikienak giro ederrean aritu ziren. Azokaz gain, txorimalo lehiaketa ere egin zen, eta Jose Arana gunearen kanpoaldean azokako sortzaileei omenaldi xume bat egin zioten.