Besteak beste, ura aurrezteko mekanismoak proposatu zizkioten udalbatzari, eta baita haiek hartuko dituzten konpromisoak helarazi ere. Dieta aberatsak duen garrantzia ikusita, herrian bertan jateko aniztasuna ere aztertu dutela adierazi zuten gaztetxoek, eta fruta dendak eta ortuak bisitatu dituztela gaineratu. Hori horrela, egubakoitzetako azokari eta ortu komunitarioei balioa eman zieten, eta zero kilometroren alde jokatzea nabarmendu zuten. Azkenik, Almen inguruan dagoen biodibertsitatea aztertu dute, eta espezie inbaditzaileak, ongarriak… berbagai izan zituzten.
[Hona hemen mailaz maila egindakoa]
Haurren proposamenak gustura entzunda
Egindako proposamenekin bat egin zuten udalbatzako kideek, eta honako hau adierazi zuen, besteak beste, Joserra Zubizarretak, Eskoriatzako alkateak: "Udalari eskari asko eta gogorrak jartzen dizkiote, eta euren buruari gutxi. Egia da Udalak zeregin asko dituela, baina gutariko bakoitzak hartu beharreko konpromisoak ere badaude. Hainbat gauza Udalarekin bat datoz, eta beste batzuk etxeko lanak, beti bezala…".
Horiek adierazita, haurrek pleno aretoa utzi eta bestelako gaietaz jardun zuten udalbatzako kideek, gehienalk tramite kontuak izan zirenak.