Eguen Gizen egunez Urdelardero eguna ospatu dute Eskoriatzan beste urte batez. Aurten, baina, taldetan banatuta irten dira kalera ikastetxeetako neska-mutikoak kantuan.
Ikastetxe bakoitzeko umeak taldetan banatu dituzte, eta aurretik zehaztutako ibilbideari jarraiki jardun dute kantuan. Ibarraundi museoan egin duten geldialdian, gainera, entzule bereziak izan dituzte. Izan ere, Arrasateko Sasoibide taldetik joandako taldetxo bat izan da bertan, Urdelardero egunean egiten dutena gertutik ezagutzen.
Jose Arana adinekoen egoitzara ere joan dira ohi legez, eta egoiliarrek "oso gustura" hartu dituzte haurren bisitak eta txaloz zoriondu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
