Landa eremuen "jasangarritasuna eta oreka territoriala" lortzeko bidean, Gipuzkoako Foru Aldundiaren laguntzarekin, 3 AuzoLab egiten aritu dira Debagoienean Conexiones imposibles enpresako kideak; zehazki Leintz Gatzagako udalerriarekin, Angiozar auzoarekin eta Eskoriatzako elizateekin aritu dira lanean.
Herritarrekin lanean
Conexiones improbables enpresako Mikel Bengoak azaldu duenez, Landa Sortzailearearen metodologia erabili dute lantegi horietan eta eskualdeko boluntarioek eta herritarrek hartu dute parte proiektuan: "Landa eremuko biztanleriak kolaboratzaile batekin egin du lan, normalean artista bat izan ohi da pertsona hori, eta denen artean erantzunak prototipatzen saiatzen dira, betiere finkatutako erronkari erantzuteko".
Proiektuaren erronkak mugikortasuna eta zerbitzuak hobetzea, zainketa-komunitate bat sortzeko eraikin baten prototipoa egitea eta landa-bide bati balioa ematea dira. Emaitzen aurkezpena martxoaren 31n egitekoak ziren Ibarraundi museoan, baina COVID-19a dela eta gaurkoan egin dute aurkezpen hori.