"Azoka txikian batu ditugu zenbait mozorro, eta otsailaren 3tik aurrera bibliotekan egongo dira mozorro hauek salgai, baina prezio sinbolikoan", adierazi du Arantxa Unzuetak Eskoriatzako Udaleko Kultura teknikariak.
Batutako diruarekin, berriz, pinturak, pintzelak… erostea da asmoa, eta Inauterietako zapatuan (otsailaren 22an) areto bat egokituko da nahi duenak makillatzeko erabili dezan. Gainera, bi pertsona egongo dira makillatzen laguntzeko –10:00etatik 12:00etara bitartean–.
Mozorroak egiteko espazioa
Horrekin batera, mozorroak egiteko espazio bat ere jarriko du Udalak, herritarrek mozorroak egiteko erabili dezaten. Otsailaren 3tik 9ra bitarteko astean kultura etxean gela bat atonduko dute, jendea elkartzeko eta mozorroak egiteko.
Joskintza-tailerra bertan behera
Horrekin batera, domeka honetan eta hurrengoan, berriz, joskintza-tailerra zen egitekoa, 10:00etatik 13:00etara, kultura etxean, baina bertan behera geratu da hitzordua.