Hildako mendizale eskoriatzarren omenez egiten den Txikirri-txikirri oinezko mendi martxa bi urtetik behin egiten dute eta aurten ekainaren 9an izango da. Hamabigarren edizioa izango da, eta dagoeneko jarri dute zein izango den ibilbidea: Fernando Eskoriatza plaza, Atxorrotx, Makatz-gain, Pago Bedeinkatu, Aumategi, Andarto, Degurixa, Kurtzebarri ostea, Mendiola, Fernando Eskoriatza plaza –25 kilometro–.
Eskoriatzako Kirol Elkarteak antolatutako eta Eskoriatzako Udalak babestutako egitasmoan parte hartu nahi dutenek bost euro ordaindu beharko dituzte, eta izen-ematea egunean bertan egingo da, irteera puntuan, 06:30etik 07:30era bitartean. Martxa, berriz, 07:30ean hasiko da. Informazio gehiago nahi duenak 943 71 43 27 telefono zenbakira deituz jaso dezake.
Parte-hartzea
Parte-hartzeak gora egin du azken edizioetan. Hain zuzen ere, 2017an, 261 parte-hartzaile eta ibilbideko hainbat puntutan hogei boluntario inguru izan ziren laguntzen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak