Egokitzapen lanak egiten ari dira Manuel Muñoz kiroldegian

Apirilaren 23an hasi zituzten Eskoriatzako Manuel Muñoz kiroldegian mantentze eta hainbat egokitzapen lan. Igerilekuan urteroko garbiketa egiteaz gain, bertako, saunako eta aldageletako sabaiak aldatu dituzte, beste lan batzuez gain. Lanak amaitzeko larri ibiliko diren arren, maiatzaren 6an, astelehenean, amaituta izatea aurreikusten dute.

"Igerilekuko urteroko garbiketaz gain, hodiak margotu ditugu. Aldageletan, berriz, sabaiak aldatu, argiak led sistemakoak eta presentzia igartzen dutenean pizten direnak jarri ditugu, eta dutxen iturriak erreguladorearekin jarri ditugu, norbanako bakoitzak nahi duen tenperaturara jartzeko ura…" adierazi du Ainize Lizarralde Manuel Muñozeko kirol aholkulari eta koordinatzailea. Horrekin batera, saunako sabaia ere aldatu dute.

Igerilekua prest dute

350 metro kubiko ur sartzen diren igerilekua hustu, ondo garbitu, algen kontrako produktua bota dute. Hori eginda, gaur goizean hasi dira urez betetzen, eta hala, gaur bertan amaituko dituzte igerilekuari dagozkion garbiketa lanak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.