Santa Ageda neska-mutilak dagoeneko hasi dira entseguekin, lau astez arituko baitira dantzak ikasten. Gadea Errasti ari zaie horretan laguntzen, 2008an Elisabeth Gabilondorekin batera lehen aldiz banakoa gizonezkoekin batera dantzatu zuen dantzaria hain zuzen.
Jose Aranburuzabala ‘Trankilek’ asmatutako hainbat bertso ikasi eta kantatu izan dituzte Santa Ageda neska-mutilek azken urteetan, baina aurten berrikuntza moduan moldaketa batzuk egin dizkiote Arana ahizpek.
Aurten ere, urtero legez bi egunez ibiliko dira gazteak kantu eskean, bai herrian bertan eta baita baserriz baserri zazpi elizateetan ere.
Bestalde, otsailaren 2an Kinttaden eguna ere ospatuko dute zortzigarren urtez, urte berean jaiotako eskoriatzarrak elkartzeko eguna hain zuzen.