'Pilota berpiztuz' ekimena jarri berri dute martxan Eskoriatzan

Lehen Hezkuntzako hirugarren eta seigarren maila arteko neska-mutikoentzat, Pilota berpiztuz ekimena jarri dute martxan Eskoriatzan. Arizmendi Kirol Elkarteak Tortolis ludotekarekin batera eta Udalaren babesarekin antolatutako ekimena da, eta eskupilotak herrian indarra hartzeko sortu berri dute.

Horretarako, eguaztenero, eskoriatzarren arteko pilota partiduak jokatuko dira, 19:15etik 20:15era, eta izen-ematea zabalik dago, Tortolis ludotekan, edo saio egunetan pilotalekura joanda. Eguaztenean hasi ziren, eta, lehenengo pausoa izan arren, irailera begira taldetxo bat finkatzeko asmoz antolatu dutela adierazi du Asier de la Flor begiraleak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.