Azpimarratzeko puntuetako bat, arriskutsua izan daitekeen txakurra erregistroan izena emanda ez egoteagatik hartutako zigor erabakiaren aurka jarritako berraztertze errekurtsoa jartzea izan zen. Udalbatzak, duela bi urte Eskoriatzan bizi den txakur jabe bati isuna jartzea erabaki zuen, honek alegatu egin zuen, baina gertatutakoarekin ez zetorrenez bat, eta eduki beharreko dokumentazio guztia ez zuenez, errekurtsoa ez zuten onartu udalbatzako kideek.
Olazarreko jabea beste bi urtez
Olazar jubilatu etxeko taberna zerbitzua ustiatzeko kontratua luzatzea onartu zuen udalbatzak, beraz, gaur egun alokairuan duena, beste bi urtez jarraituko du.
Elorretarako lankidetza hitzarmena bertan behera
Aipatzeko beste gai bat, Elorretan ekipamenduetarako gordetako azaleran zuzkidura-alojamenduak egiteko Eusko Jaurlaritzarekin sinatutako lankidetza hitzarmena deuseztatzeko proposamena hartzea izan zen.
