Hirugarren urtez Txirikila elkarteak antolatutako Eskoriatzako udalekuak atzo hasi ziren, eta lehen pausuak ematen ari dira lehenengo egunetan, ezagutza jolasak eginez begiraleak eta haurrak elkar ezagutzeko.
Guztira, 245 ume daude aurtengo udalekuetan, eta 27 begiraleren artean hainbat taldetan banatuta daude. Ekintza ugari prestatu dituzte eta aurtengo helburu nagusia dinamismoa lortzea dela adierazi du Nekane Atxaga koordinatzaileak.
Eskaintza zabalaz gain, berrikuntzak ere badituzte udaleku hauetan. Izan ere, Tximeleta Gelako umeak hainbat ekintzetan hartuko dute parte umeen arteko harremanak sendotzeko eta batez ere ondo pasatzeko.
Begirale talde gaztea da aurtengoa, eta umeekin ondo pasatzen duten arren, batzuetan firme jarri behar dituztela ere adierazi du begirale batek.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!