2017rako Ondasun Higiezinen gaineko zergak hizpide plenoan

Eskoriatzako San Pedro jaiak ate joka daudela, jaietako ekintzetan parte-hartzera animatzeko eskatuz hasi zuen atzo ekaineko ez ohikoa plenoa Eskoriatzako alkateak. Bestalde, aho batez onartu ziren tratatu zituzten gai guztiak, eta aipatzekoak; 2017rako Ondasun Higiezinen gaineko zergak onartzea eta EH Bilduk Mandela Arauei buruz aurkeztutako mozioa onartzea izan ziren, besteak beste.

San Pedro jaiak ate joka daudela, jaietako ekintzetan parte-hartzera animatzeko eskatuz hasi zuen eguaztenean ekaineko ez ohiko bilkura Joserra Zubizarreta Eskoriatzako alkateak. San Pedro jaietako txupinazora, danborradetara, elizara eta jaien amaiera… joateko animatu zituen udalbatza osatzen duten zinegotziak.

Ondasun Higiezinen gaineko zergak onartuta

Bestalde, aho batez onartu ziren tratatu zituzten gai guztiak, eta aipatzekoak; 2017rako Ondasun Higiezinen gaineko zergak onartzea (OHZ) eta EH Bilduk Mandela Arauei buruz aurkeztutako mozioa onartzea izan ziren, besteak beste.

Zergen igoerak eta jaitsierak izango dituzte herritarrek, baina "igoerak ez direla oso nabarmenak izango", adierazi zuen alkateak. Datorren urtean aplikatuko da zerga hau, eta irailetik aurrera jakinaraziko die diputazioak biztanle bakoitzari datorren urterako aurreikusten dutena.
Inguruko herriekin kontrastatuta, denek helburu berdina dutela adierazi zuen alkateak: "Igoera batez beste ehuneko 3koa izango da, baina lehen hamar jasotzen bagenuen hamar jasotzea izango da helburua."

Mandela Arauak onartuta

Aho batez onartu zen, bestalde, Elizateen abstentzioarekin; presoek duintasuna izatea, isolamenduak, eta tratu iraingarriak alboratzea, eta presoak gizartetik gertu egon daitezen errespetatzea.

Hala, Udalak, Nazio Batuek onetsitako presoak tratatzeko oinarrizko arauekin bat egin zuen, eta  Nazio Batuen gomendioa jarraituz, uztailaren 18a presoen eskubideen aldeko Mandela Eguna aintzat hartzea erabaki zuten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.