Eskoriatzako Olazar erretiratuen elkartekoek Herri lagunkoiak egitasmoa jarriko dute martxan. Lantaldean batuta, herriko zortzi eremutan identifikatzen dituzten arazoak jaso, eztabaidatu eta aktetan jasoko dituzte, ikusten dituzten arazoak Udalari ezagutarazteko ondoren.
Eskoriatzan aste honetan egin dute proiektuaren lehen aurkezpena, eta apirilaren 11n egingo dute lehen bilera. Erretiratuen elkarteko 20 lagunek osatuko dute lantaldea, Jose Mari Kortazar elkarteko presidenteak koordinatuta.
Taldean, errespetuz, herriko gaiak tratatuko dituzte hamabost egunean behin, eta bileren helburu nagusia lantaldean hitz egiten ikastea izango da, bide batez, erretiratuen iritzia herrira zabaltzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
