Tokiko Osasun Sarea sortzeko lanetan ari dira Eskoriatzan

Imanol Beloki Unamuno 2016ko mar. 1a, 11:07

Debagoieneko ospitalea (OSI), Eskoriatzako Osasun Zentroa eta Udaleko Kirol, Prebentzio eta Gizarte saila osasun sarea sortzeko ahaleginetan ari dira herrian. Eskoriatza ezagutzeko helburuaz, bertako elementu osasungarriak identifikatu, eta parte-hartze komunitarioaren bitartez, Tokiko Osasun Sarea sortzeko. Eskoriatza, zure herria, osasuna da lelopean, inkesta bat prestatu du Udalak herritarren iritzia jasotzeko asmoz.

Otsailean esparru zehatz batzuetan banatu da inkesta hau: Osasun zentroan, Udala osatzen dutenen artean, Luis Ezeiza eta Arizmendi Almenen ikastetxeetan, Kiroldegiko nagusien ekintzetan, Olazar jubilatu elkartean, Amuska emakume elkartean, Osatuz elkartean, Mazmela auzoan eta Axtroki merkatarien artean.

Inkesta eskuragarri

Orain, inkesta herrian zabaldu nahi da, eta martxoan eskuragarri egongo da kiroldegian, liburutegian, Ibarraundin, Huhezin eta Udaletxean. Hemen inkesta online ere betetzeko: Zure herria osasuna da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak