Debarroko LAB sindikatuak deitu du kontzentrazioa eta Eskoriatzako Sortuk ere hartu du parte. Espainiar eta frantziar estatuek euskal presoekin eta senitartekoekin mendekuzko eta salbuespenezko kartzela politika kriminala darabiltela salatu dute, eta azken aste bukaeran bertan senide batzuek izandako auto istripua eta Frantziako espetxeetan dauden bi gaixo larriren kasuak ekarri dituzte gogora.
Ildo horretatik, giza eskubideen defentsan alderdi politiko eta eragile ezberdinak batzearen garrantzia azpimarratu dute eta, hori horrela izan dadin, LABek bere eskuetan dagoen guztia egingo duela gaineratu.
GI-627 errepidera eraman dute euren aldarrikapena, Fagor Ederlan eta Arizmendi-Almen Ikastola arteko biribilgunera. Hilero egiten dute kontzentrazioa –batean Debabarrenean, eta besteak Debagoienean– eta gaur, esan moduan, Eskoriatzan elkartu dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
