Bereziki, herri txikietan, baserri-auzoak behar beharrezkoa direla azpimarratu zuen. Atzoko hitzaldia sektorea indartzeko eta sustatzeko Jaurlaritzak ematen duen zerbitzua dela esan zuen.
Eskoriatzako kultura etxean bildutakoek adi-adi entzun zituzten sailburuordearen azalpenak. Euren beharrak eta kezkak bideratzeko gogoa adieraz zuen.
Gazteak hurbildu
Lehen sektorea gaztetzeko beharraz ere berba egin zuen eta horren harira, Gomistegiko Artzain Eskola aipatu zuen. Handik irteten diren artzain berriak ei dira etorkizuna eta Jaurlaritzak esku artean dituen egitasmoa egin ahal izateko beharrezkoak direnak. Gaztetasunaren aldeko apustua egitea eskatu zien baserritarrei eta auzo-alkateei.
