Atxorrotxeko gazteluko aberastasuna eta harekin lotutako historia oparoaren zati bat, Eneko de Oriz intendentearekin lotutakoa, hain justu ere, gizarteratzeko asmoa du Eskoriatzako Udalak. Joserra Zubizarreta alkateak aurreratutako moduan bi ekimenetan dihardute lanean; batetik Eskoriatza eta Leintz Gatzaga lotzen dituen zazpi kilometro pasako ibilbidea gertu lagatzeko azken ukituak lantzen dabiltza (udazkenerako egongo da gertu Enekoren Gazteluko Ibilbidea). Eta bestetik, Enekoren figura gizarteratzeko asmoaren lantzen.
7,57 kilometroko Enekoren Gazteluko Ibilbidea izeneko ibilbideari dagokionez, haren berri ematen dituzten esku-orriak dagoeneko gertu dituzte Eskoriatzako Udaletxean.
Ibilbideak lotzen ditu Eskoriatza eta Leintz Gatzaga, Zubiateko labea bisitatuz, Eneko de Orizen gaztelua eta Leintz Gatzagako Gatz Museoa. Bi ordu eta 45 minutuan egiteko moduko ibilaldia da.
Enekoren aurkezpena
Bestalde, Eneko de Orizen figurari dagokionez, berriz, pertsonaia horri bizitza ematea da, besteak beste, Eskoriatzako Udalaren asmoa. Dagoeneko datorren urteko Atxorrotx Egunera begira (maiatza) dihardute lanean, orduantxe gura dute-eta, Eneko de Orizen "aurkezpena" egin.
Eta horrekin batera nahi dute Atxorrotxen aurkitutako aztarna oparoekin (gehienak Gipuzkoako altxortegian daude) erakusketa antolatu udalerrian.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak